stemsi

Fluttur (í bili amk)

2006-03-26T21:35:00.000+02:00

www.kvarg.net/steindor
www.kvarg.net/myndir

Búdapest

2006-02-08T20:54:00.000+01:00

Skellti inn nokkrum myndum frá Búdapest...

Birta

2006-01-27T19:06:00.000+01:00

Labbaði heim í (smá) birtu í dag, í fyrsta skipti í ár. Heimur betrandi fer, eins og ónefndur orðaði það...

Enn snjóar...

2006-01-25T23:05:00.000+01:00

flickr

C plús plús Eurovision

2006-01-25T22:33:00.000+01:00

"I have always wished for my computer to be as easy to use as my telephone; my wish has come true because I can no longer figure out how to use my telephone"
-- Bjarne Stroustrup

Talandi um Bjarne Stroustup, þá vantar mig góða bók til að rifja upp C++, og aðra um SOA[P] & XML. Uppástungur vel þegnar...

Og talandi um allt annað en Eurovision, lukkukveðjur til Davíðs fyrir gott gengi á laugardaginn! Hljómaði vel, þrátt fyrir slakt netstreymi frá RÚV til Køben...

Blogg

2006-01-23T19:42:00.000+01:00

Jamm, veit af letinni, er bara ekki alveg sáttur við þetta blogg-fyrirkomulag/system sem í boði er. Of mikið vesen, of mörg músarklikk, of mikið html, css og ftp á myndum hist og her. Vil meira, en samt eitthvað þægilegra. Og meira kontrol, helst að hafa þetta allt á mínu eigin svæði, á vél heima eða útí bæ (þó það kosti). Einhver þægileg mynda/blogg-blanda sem mig langar í. Er annars að experimentera með flickr, á kannski eftir að gera meira þar. En annars eru allar uppástungur vel þegnar ;)

Julefrokost

2005-12-12T22:59:00.000+01:00

Jólagleði Nokia var á föstudaginn, ríflega 1.200 manna veisla í Øksnehallen. Heljarinnar veislumatur, rís a'la manda, og frír bjór. Ekki amalegt.
Það merkilegast þótti mér samt hversu fjölþjóðlegt þetta allt saman var, djammaði þarna með Ísraela, Marokkóbúa, Frakka, Norðmanni, Mexíkóa, Bandaríkjamanni, helling af Dönum eins og gefur að skilja, og enn einum Íslendingi (og þá er ég einungis að nefna þá sem sátu við mitt borð). Það er nefnilega ekki á hverjum degi sem maður getur spjallað við Ísraela um allt frá Hanukkah til Hitlers, talað við Frakka um matarlist (og komist að því að basically eru franskar konur víst handónýtar í eldhúsinu, sem er ástæða þess að þeir borða sífellt á restauröntum), spjallað við Bandaríkjamann um Bush, Marokkóbúa um triceps og biceps (vei), Norðmann um bjór vs. vín og rökrætt við Íslending um karlmenn í bleikum skyrtum sem drekka Bailey's (það var orðið nokkuð áliðið)... og så videre...
Minnir mann á það að Ísland er ekki miðja alheims, og alls ekkert endilega bezt í heimi...

Bangó!

2005-12-01T22:16:00.000+01:00

Var að koma af jólabingó Nokia, eða bangói eins og sumir vildu kalla það... Skemmst frá því að segja að ég vann akkúrat ekki neitt, ekkert LCD-sjónvarp, hátalara, myndavél, prentara, vínflöskur, borvél, dvd-upptökutæki eða bíómiða...
Er nú enn harðari á því en áður að það borgar sig ekki að eyða tíma (og peningum) í öll þessi spil þar sem líkurnar eru á móti manni. Nema mögulega af hugsjón, til styrktar góðum málefnum.
Fékk þó grjónagraut og bjór, athyglisverð blanda, en ekkert sem ég mæli sérstaklega með...

Sálin

2005-11-06T23:11:00.000+01:00

...í hörkuformi

J

2005-11-04T19:33:00.000+01:00

Gleðilegan J-dag! Er á leið í bæinn að tékka á lestinni... :)

Hallelúja!

2005-11-03T13:47:00.000+01:00

Nú fer loks að styttast í að maður geti mixað tveimur uppáhaldsdrykkjunum í einn, KAFFIBJÓRINN er væntanlegur! Reyndar (nánast) alkóhólfrír, en maður getur þá í það minnsta notið hans í vinnunni...
Spurning svo hvort ekki væri hægt að mixa skyrdrykknum við, hafa (smá) hollustu í þessu...

...meira í dag en í gær

2005-10-31T21:54:00.000+01:00

Mér finnst nauðsynlegt að vera í vinnu þar sem maður fær tækifæri til að læra nýja hluti á hverjum degi. Eins og juggla... Aldrei að vita hvenær það gæti komið að góðum notum...

Squash Buddies

2005-10-27T22:37:00.000+02:00

Færsla dagsins (mánaðarins?) er tileinkuð Gísla og Rúnari, og uppáhaldsauglýsingunni minni þessa daga... verður alltaf hugsað til dugnaðarins í Sporthúsinu þegar ég sé þetta... Svo er lagið svona ljómandi skemmtilegt líka... :)

Squash Buddies 1 (.mov)
Squash Buddies 2 (.mov)

MBL

2005-09-20T22:05:00.000+02:00

Það er ágætt tilbreyting frá fréttum um slys, náttúruhamfarir, hryðjuverk, morð og rán hérna í útlandinu að lesa íslensku fréttirnar...
T.a.m... "Fiskur veiðist í drullupolli í Engidal"... og hana nú ;)

Landafræði

2005-08-11T22:52:00.000+02:00

Veit þetta eru ekki nýjustu fréttir, en Google Earth er alveg hrikalega flott tól... Vel hægt að gleyma sér yfir þessu, heimsreisa fátæka mannsins... Tókst meira að segja að finna Kopparbo í Svíþjóð sem ég hef ekki fundið á korti síðan ég fór þangað 13 ára á skátamót :)

Margt sniðugt sem er að koma frá klára fólkinu hjá Google (t.d. Kónguló!), enda fá þau einn dag í viku til að dunda sér í 'hobby projectum'. Almennilegt.

Ef þið smellið á myndina getið þið séð gettóið, vinnustaðinn og downtown Køben...

Sumarfríið mitt 2008

2005-07-31T22:38:00.000+02:00

Einhver sem á 13 milljónir til að lána mér? Virgin Galactic er nefnilega farið að taka við pöntunum í flug frá og með 2008... Út í geim!

Þarf ekki nema 1.300.000 ISK til að festa sæti, þ.a. maður hefur nokkur ár til að safna upp í restina. Nánast gefins, og alveg málið :)

Músík á tölvunni

2005-07-24T14:57:00.000+02:00

Stutta útgáfan:
Ef þú tekur (öryggis) afrit af músík, gleymdu MP3, notaðu FLAC.

Langa útgáfan:
Vandamálið í dag er að mínu mati það að flestir sem taka afrit af músíkinni sinni nota lossy formatt eins og M4A (iTunes) eða WMA (Media Player) eða það lang lang algengasta, MP3. Það þýðir einfaldlega að lagið sem þú átt á tölvunni er í lélegri gæðum en það sem er á geisladisknum.

Tvær ástæður fyrir því af hverju ég er ekki hrifinn af því:

1) Góðar stofugræjur geta engan veginn bjargað lagi í lélegum gæðum. Ef maður vill góð hljómgæði, þá þýðir ekki að nota lossy formatt eins og MP3. Þetta skiptir mig máli því öll mín músík er komin á tölvuna inn í stofu, tengda við græjurnar.
Þetta er líka ástæðan fyrir því að ég versla ekki hjá vefum eins og tonlist.is, ef ég er að kaupa eitthvað, þá vil ég að gæðin séu í lagi.

2) Í upphafi var MP3, nú eru AAC, OGG, WMA, ASF, M4A o.s.frv. og fleiri (sífellt betri) munu að sjálfsögðu koma. Ef þú síðan lendir í því að þurfa að breyta lagi úr einu lossy formatti yfir í annað, t.d. OGG yfir á M4A til að spila í iPodnum þínum, þá taparðu enn meiri gæðum (eins og að kópera videospólu yfir á aðra vídeóspólu, en iTunes að sjálfsögðu segir þér ekkert frá þessu þegar það býðst til að converta músíkinni þinni).

Lausin er að nota lossless format, tónlistin á tölvunni er þá nákvæmlega eins og á geisladisknum. Það er svo að auki minnsta mál að varpa yfir í lossy formatt eftir þörfum. Bara geyma orginalinn að sjálfsögðu, nema maður sé að varpa yfir í nýtt og betra lossless ;) Hér er líka hægt að velja úr nokkrum, t.d. Monkey's Audio, Apple Lossless og mitt uppáhald, FLAC. Ókosturinn er að lögin taka meira pláss (27 MB að meðaltali hjá mér), en þar sem það samsvarar ca. 1 kr (ISK) per lag m.v. verð á hörðum diskum í dag, þá finnst mér það vel þess virði. Ég nefndi svo tonlist.is áðan... Metallica, sem eru nú ekki hrifnir af MP3 (af allt öðrum ástæðum reyndar :) selja tónleikaupptökur á FLAC formi á vefnum hjá sér. Tveggja tíma og korters tónleikar í Egilshöll í CD gæðum á $13.
Svona á að gera þetta að mínu mati.

Það sem ég nota...
... er Exact Audio Copy til að taka afrit af músík inná tölvuna (í .wav), dBpowerAMP til að kóða yfir í FLAC og loks Tag & Rename til að setja inn upplýsingar um lagið (album, artist, track o.s.frv.). FLAC codec þarf að vera sett upp, það fæst hér.

Varðandi spilara, þá er ég nýlega farinn að nota musikCube, sýnist hann henta afskaplega vel fyrir fólk (eins og mig) sem er með helling af músík (svo framarlega sem tögin eru rétt). Þægileg flokkun, einfalt að leita og hraðvirkt. Svo er bara spurning hvort ég geti ekki komið mér í að skrifa Bluetooth plugin fyrir símann :)

Gleði

2005-07-04T22:16:00.000+02:00

Búinn að vera duglegur undanfarið... 2ja vikna frí á Íslandi og Roskilde festival um helgina. Stuð... :)
Stórfínt frí annars, það lengsta sem ég hef tekið frá vinnu hingað til. Náði meira að segja að haga mér aðeins eins og alvöru túristi... Rölti upp Keili og Esju, fór í Bláa Lónið, útilegu í Skaftafelli, tók þátt í 17. júní gleði, borðaði fínan grillmat og skrapp eylítið út á lífið...
Alltaf gott að kíkja heim, en ég fer svo væntanlega ekki aftur fyrr um jólin...

Helginni var svo varið í Roskilde (tók smá forskot á fimmtudaginn en fór svo aftur heim í bælið um kvöldið)... Gat ekki sleppt þessu, var nefnilega svo heppinn að hitta Bjarna á Ölstofunni meðan ég var heima og hann var svo almennilegur að bjóða mér gistingu.
Fín músík, furðuleg músík, mikil gleði og fullt fullt (fullt) af fólki... Veðrið líka svakalega fínt, ríflega 20° og sól...

Audioslave með bestu músíkina að mínu mati, tóku líka inn á milli eitthvað af gömlu lögunum sínum, Tom Morello (Rage Against The Machine) snillingur á gítarnum og Chris Cornell (Soundgarden) lítið síðri...
Green Day voru með flottustu tónleikana, heilmikið show. Megnið var af nýju American Idiot sem mér finnst þrælfín, en eitthvað af gömlum smellum. Voru nokkuð flottir á því, skiptu t.d. út allri hljómsveitinni í miðju lagi með sjálfboðaliðum úr crowdinu og leyfðu þeim að klára lagið... Gítarleikarinn fékk svo að eiga gítarinn... Mjög töff...
Foo Fighters voru mjög sterkir líka, þó tónleikarnir væru bara klukkutími. Hellingskraftur í þeim Dave Grohl og Taylor Hawkins (á trommum).
Gaman að sjá Velvet Revolver. Slash, Duff og Matt úr G'N'R og Scott Weiland úr Stone Temple Pilots, en rokkið er bara ekki eins án Axl...
Kent voru verulega flottir (sá reyndar bara brot af þeim fimmtudagskvöldið, þurfti heim að sofa ;) Þarf endilega að kíkja á þá aftur við tækifæri.
Jimmy Eat World fínir, Ozzy magnaður, Jamie Cullum skemmtilega spes, en merkilegt nokk voru Duran Duran lítið spes ('stor skuffelse' eins og Urban sagði). Klassísk músík, en Simon bara pikkfastur í '83...

Gríðargaman, og ef böndin (og veðurspáin) verða álíka spennandi næsta ár er ólíklegt að ég hangi heima... :)

Hollráð dagsins

2005-06-09T23:29:00.000+02:00

Ekki hjóla með opinn munninn... Sérstaklega ekki í skammdeginu í Danmörku...

Sjáumst svo heima, heilar tvær vikur í fríi framundan :) Aldrei að vita nema detti inn heimsókn(ir) á stofuna, jafnvel hvikindið^*, rifja upp eldgömlu góðu dagana...

* Neibb, ekki stafsetningarvilla

Sófakartafla

2005-05-24T21:01:00.000+02:00

Leyfði mér um daginn að eyða nokkrum krónum... Er lengi búið að langa í tölvu sem ég get haft inni í stofu til að halda utan um sjónvarpsgláp og músíkspilun. Sniðugt concept finnst mér. Ég geymi þarna inni (nánast) alla mína músík, ljósmyndir og vídeó, og nota svo vélina til að taka upp fyrir mig sjónvarp (t.d. Scrubs á hverjum virkum degi kl. 19 ;) sem ég get svo brennt á DVD. Kúl fítus líka þykir mér að geta ýtt á pásu og/eða spólað til baka 'live' sjónvarpsefni þegar mér sýnist svo.

Keypti mér 300 gíga disk, viftulausan heatsink, viftulaust power supply og viftulaust skjákort (ómögulegt að hafa hávaða í stofunni), en restin eru 3-5 ára íhlutir sem eru enn í fínum gír.

Fullt af möguleikum, en líka fullt af veseni... Sem er í fínu lagi, maður verður að hafa eitthvað sér til dundurs í útlandinu :)

Tilviljun

2005-05-12T22:12:00.000+02:00

Kíkti inn á Amazon áðan, í daufri von um að rekast á músíkina sem ég gat með engu móti munað nafnið á (var að panta mér diska á bókasafninu áðan, gott að búa í DK ;)
Nema hvað, það fyrsta sem blasti við mér var "Music you should hear" og mynd af henni Aimee Mann.

Það var nefnilega Aimee Mann sem ég var að rembast við að muna... Sniðugt :)

Gúrka

2005-04-29T23:24:00.000+02:00

Fátt í fréttum, róleg helgi... Sem var ágætt, slaka á eftir átökin á klakanum síðustu helgi (skrapp heim og kíkti á árshátíð hjá Marorku). Skreppitúr til Þýskalands svo á morgun, í 'boði' vinnunar. Líklega þrír dagar, og líklega til Berlínar... Stuð...

P.S.
Var að kíkja á veðurspána, stefnir í 30° í Berlín á morgun, jæks...

Tíví

2005-04-19T21:21:00.000+02:00

Ekki leiðinlegt að fá heilan klukkutíma af Scrubs á hverjum degi. Fínir þættir fyrir okkur sem höfðu gaman af Parker Lewis í gamla daga...

Annars, klakinn um helgina ;)

Innlit / útlit

2005-04-09T17:16:00.000+02:00

Mamma og pabbi kíktu í heimsókn síðustu helgi og ég var því tilneyddur að taka ögn til. Nýtti tækifærið til að smella af nokkrum myndum af íbúðinni og útsýninu...

Lexía dagsins

2005-03-29T22:22:00.000+02:00

Klipping á hálfvirði er alls ekkert góður díll...

Danmörk í dag

2005-03-29T18:21:00.000+02:00

Í blöðunum í dag eru birtar myndir af höfði og lýsingar á því hvernig grey maðurinn var sagaður í sundur í sex búta. Það var ekki vitað hver hann var og því ákveðið að birta myndina. Maður getur rétt ímyndað sér hvernig fjölskyldunni hefur orðið við að sjá forsíður blaðanna í dag...
Ótrúlegt að svona lagað geti gerst, og verulega skuggalegt...

Páskafrí

2005-03-28T18:08:00.000+02:00

Þreif, djammaði, labbaði, hjólaði og las (smá) í páskafríinu. Nokkrar svipmyndar að neðan...

Blokkin mín (er á 2. hæð)	Þvottahúsið
Bjössi á Sydhavn Station	Garður og stígar við sjóinn

Mæli svo með Kortal síðunni, hægt að skoða loftmyndir af allri Danmörku og panna & zooma að vild. Mjög flott og fínt til að átta sig á umhverfi og vegalengdum (virkar reyndar ekki í Firefox). Fékk myndina að neðan 'lánaða' og merkti inná að gamni hvar Nokia er og hvar ég bý, ekki langt að fara eins og sjá má...

Vor

2005-03-25T14:30:00.000+01:00

Opnaði glugga áðan og feit kónguló datt inn. Held að vorið sé komið...

Fischer

2005-03-24T14:04:00.000+01:00

Íslendingar eru grúppíur. Við gerum allt sem við getum fyrir hvaða álf sem er sem álpast til að millilenda á klakanum. Svo framarlega sem hann er frægur. Skiptir þá engu þó maðurinn sé eftirlýstur krimmi og skattsvikari sem hatar (m.a.) Bandaríkin, Gyðinga og Rússa. Og eyðum svo einhverjum skattpeningum í laun handan manninum, hann er jú eftir allt saman íslenskur stórmeistari. Eitthvað hlýtur að vera að fara framhjá mér fyrst þetta er samþykkt samhljóða á Alþingi...

Maður vonar bara að hann fari ekki einhverntíman í fýlu út í okkur líka, þessi nýi besti vinur Íslendinga.

Hvernig fór annars með Jönu og Ramin Sana, rúmlega tvítuga tilvonandi foreldra sem átti að vísa úr landi á sínum tíma? Þau kunnu kannski ekkert að tefla...

Nördahornið

2005-03-23T22:04:00.000+01:00

Mér finnst Skype sniðugt. Leyfir mér að spjalla að vild við fólkið heima á Íslandi án þess að borga krónu fyrir. Við (sem búum annars staðar á íslandi a.m.k.) erum nefnilega ekki rukkuð fyrir þá 0 og 1 sem við sendum og sækjum yfir netið, og engu skiptir hvort það er Dilbert á mbl, nýjasti Seagalinn, eða tal... Og það heillar þegar mínútuprísinn á millalandasímtölum er kominn yfir hundraðkallinn.

En hversu töff væri ef að gemsinn þinn myndi spotta það að kaffihúsið sem þú sætir á væri með þráðlaust net og símtalið við Arnar í Tókýó (t.d.) væri flutt yfir internetið, frekar en hefðbundna símkerfið, þar sem mælirinn væri annars fljótur að tikka... Og að símtalið slitni ekki þegar þú röltir niður í bæ, síminn flytji sig hreinlega yfir á venjulega gemsakerfið án þess að þú verðir var við neitt...

Allt að koma... Opinn staðall sem allir stóru spilararnir taka þátt í (Nokia, Ericsson, Motorola, Siemens o.fl.). Símarnir eru í það minnsta á leiðinni, en svo er spurning hvað símafyrirtækin gera. Til að styðja þetta þurfa þeir að leggja í breytingar á búnaði hjá sér og þeir græða lítið ef kúnninn græðir... Spurning hvort aðilarnir sem keppa (Vodafone og Síminn jafnvel) verði ekki bara þegjandi "sammála" um að vera ekkert að bjóða upp á svona lagað...

En mér finnst þetta kúl, Unlicensed Mobile Access (UMA), GSM og GPRS yfir 2.4GHz (Bluetooth og WiFi). ;)

Israel Kamakawiwo'ole

2005-03-20T01:28:00.000+01:00

Var að komast að því hver syngur "Somewhere over the rainbow" í auglýsingunum frá Umferðarstofu. Var að flakka á milli stöðva í sjónvarpinu og heyrði þetta í endanum á Finding Forrester. Kíkti því á Amazon og komst að því að hann heitir Israel Kamakawiwo'ole (eða hét, dó víst '97). Stór Hawaii-búi með pínulítið ukelele... Verulega flott...
Get en ekki að spáð í allri þeirri fínu músík sem maður missir af, aldrei hefði ég að fyrra bragði tékkað á ukelele músík frá Hawaii...

Hægt að hlusta á sýnishorn hjá Amazon.

Grannar

2005-03-19T21:03:00.000+01:00

Í dag vaknaði ég við frumskógaröskur nágrannakonu minnar, ætlað börnum hennar, sem fengu síðan í framhaldi af því kveðjuna HOLD KÆFT!!
Þunnir veggir hérna, og fyrir löngu búinn að sjá það að ekki allir mínir grannar eru í jafnvægi...

Skamm skamm

2005-03-17T20:22:00.000+01:00

Ég er í bloggskammarkróknum, og á það fyllilega skilið. Verulega léleg frammistaða, loks þegar ekkert nema nýir og spennandi hlutir eru að gerast, þá þegir maður þunnu hljóði í þrjá mánuði.

Kannski fullseint, en hér er smá yfirlit:

Desember: Sel íbúðina ;(
Jan: Flyt út úr Hlíðarhjallanum og (enn og aftur) í Rauðahjallann. Smá eftirsjá þó, fínasta íbúð, og fínasta fjárfesting. Flýg til Køben og flyt inn í Scandiagade 72... Bærilegasta íbúð, skelli inn myndum eftir næstu tiltekt... Tel mig þó vera ótrúlega heppinn að fá jafn vel staðsetta íbúð, algengt að vinnufélagarnir séu klukkutímann að keyra í vinnuna, meðan ég er 8 mínútur að rölta.
Febrúar: Byrja að vinna! Og líst bara vel á, sé fram á ég eigi eftir að læra heilmikið þarna, sem heillar mjög. Fékk svo dótið mitt, 2 vikum eftir áætlun að sjálfsögðu. Það fór víst tvær ferðir til Danmerkur, fékk ekki að fara í land í fyrra skiptið vegna verkfalls. Lenti í því sama síðast þegar ég flutti út, þá bilaði skipið á miðri leið og var dregið tilbaka. Lítið gaman að vera sjónvarps og tölvulaus í tvær vikur, reynir á. Fékk pabba í heimsókn í lok mánaðarins og varð samferða honum heim, ákvað að skreppa yfir helgi og mæta í útskrift(arveislu) hjá Sigrúnu. Stórfínt...
Mars: Bryndís kíkti í heimsókn, stoppaði í heila viku, spurning hvort henni hafi eitthvað litist á plássið...
Framundan: Heilir 3 dagar í páskafrí, heimsókn frá m&p yfir helgi, millilending hjá Arnari með tilheyrandi djammi, hengja upp ljós... Lestur...

Allur lurkum laminn

2005-03-14T21:23:00.000+01:00

Mæti loks á æfingu áðan, sjá hvernig Danirnir gera þetta. Var rækilega tekinn í bakaríið... Munur á tækni, eins og við var að búast, og talsvert meiri harka en heima sýnist mér á öllu. Maður þarf að vera ansi vel á tánum, bókstaflega...
Fínt engu að síður og plús hvað þetta er stutt frá, 15 mínútur að rölta þetta. Er líka ekki nema 8 mínútur að rölta í vinnuna, og álíka upp á lestarstöð, þ.a. spurning hvort maður geti nokkurn tíman réttlætt bílainnkaup meðan maður er hérna ;)

Fyrir áhugasama, þá bý ég semsagt á
Scandiagade 72, 1. th.
2450 København SV
og síminn hjá mér er nú +45 40524173 (gamla númerinu var lokað 1. feb).

Loksins...

2005-03-14T17:23:00.000+01:00

... að það er hlýrra í Danmörku en á Íslandi. Orðið frekar skuggalegt þegar það er hiti á klakanum, en -20°C hér. Tölur dagins annars -1° í Reykjavík og +5° í Køben.
Danmörk tekur þetta með 6 stigum... eins og þegar ég álpaðist í Parken á sínum tíma að sjá Dani og Íslendinga sparka í bolta...

Afmæli

2004-12-09T23:39:00.000+01:00

Jói bróðir á góða vini sem gefa honum rjómatertu á afmælisdaginn...

Mæli með vídeóinu ;)

Misc

2004-12-04T02:17:00.000+01:00

Ég veit ekki með ykkur, en ég er ekki viss um að ég væri til í að setjast upp í flugvél sem blakar vængjunum, jafnvel þó Da Vinci sjálfur eigi heiðurinn af henni. Frekar hefði ég áhuga á að setjast upp í Toyotu, nánar tiltekið i-foot og rölta á milli staða á honum...

Og talandi um græjur frá Japan, þá var Arnar svo almennilegur að þýða nafnið mitt yfir á katakana, ステンドル. Var nefnilega að panta mér hakama sem ég læt sauma þetta í, þarf að fara að klæðast svoleiðis á æfingum. Fyrir þá sem ekki vita, þá er hakama skuggalega líkt pilsi ... en er þó gamall og gildur japanskur klæðnaður.

Annars fátt títt, íbúðin komin í sölu en ekki búinn að finna neitt úti enn... og ætli eðal-eintak af Hondu '98 verði ekki falt fljótlega líka...

Stjörnuspáin

2004-11-18T00:56:00.000+01:00

VOG 23. september - 22. október
Vertu á varðbergi gagnvart eyðslusemi
í dag, þú gætir misst stjórn á þér.
Græjur og dellutæki freista þín ákaflega,
enda bæði nútímaleg og sniðug.
[mbl]

Nokkuð að marka þetta??

Fréttir!

2004-11-10T23:38:00.000+01:00

Loksins sem ég get opinberað tíðindin... þó ég sé búinn að lauma þessu að ýmsum. Í stuttu, þá ætla ég að yfirgefa klakann, aftur... flytja til Köben, aftur... og fara að vinna hjá finnska stígvélaframleiðandanum fyrrverandi Nokia :)
Mikil spenna, fer út í lok janúar þ.a. nú þarf maður að koma sér í að selja (leigja?) íbúð, selja (taka með?) bíl, finna íbúð... og standa í öðru tilheyrandi stússi (versla hjól?). Að ég tali nú ekki um vinnuna, klára mitt af sem best ég get, skilja vel við þetta. Þó ég reikni nú fastlega með að slatti fylgi mér með út.

Læt þetta duga að sinni, þarf að koma mér í að þrífa eylítið áður en fasteignasalinn mætir með myndavélina á morgun...

Afsakið hlé

2004-11-04T02:12:00.000+01:00

Tíðindi innan tíðar... :)

Tjáning

2004-10-28T01:25:00.000+02:00

Flakk

2004-10-14T01:29:00.000+02:00

Kominn í land, fékk far með Sunnuberginu til Vopnafjarðar og flug þaðan heim. Var ferjaður á milli skipa í gúmmíbát, í myrkri og hellings öldugangi, íklæddur appelsínugulum flotgalla... Mikið fjör og verulega flott að sjá skipin tvö stilla sér upp hlið við hlið í myrkrinu og lýsa upp svæðið með ljóskösturun... Mjög gaman allt saman. Mikil almennilegheit hjá áhöfnunum á báðum skipum að standa í þessu. Mjög þakklátur, þó ég hafi verið búinn að pakka fyrir 10 daga... :)

Punktar í kjölfar Noregsferðar:
Eitt sem mér fannst mikil snilld við Noreg er að bannað er að reykja annarsstaðar en í heimahúsi eða utandyra. Ég var fyrirfram soldið skeptískur á að þetta gæti gengið upp, enda búið að ala það uppí manni að reykingar og tilheyrandi stybba sé órjúfanlegur hluti skemmtanalífsins (reyklaus Ölstofa?!?). En merkilegt nokk, ekki var að sjá að fólk skemmti sér síður, tölti bara út og kom sér fyrir undir gasbrennaranum til að fá sér reyk... Mjög ánægjuleg upplifun að geta farið í jakkann aftur daginn eftir, án nokkurs ilms... Ekki það að djamm í Noregi sé tóm sæla, verðið á bjór hefur talsvert róandi áhrif á sötrið. Við getum ekki mikið kvartað hér heima. Annars var ég í Bergen, sem mér fannst þrælfínn bær (borg?), fullt að skoða. Aftur á móti rignir þar 275 daga á ári (þ.á.m. alla dagana sem ég var þarna), sem heillar ekki mjög...

Og Danmörk, hef nú tjáð mig um Danaveldi áður og þetta tveggja daga stopp var ósköp hefðbundið, í takt við undanfarnar heimsóknir. Kíkti út að spísa með Hannesi og Bjössa miðvikudagskvöldið, international kvöld á Studenterhuset tók við í kjölfarið og svo kíkt á Moose fimmtudagskvöld, þar sem bjórinn var á 15 dkk, en reykingalyktin fylgir mér að sama skapi enn...

P.S.
Að einhverju allt öðru, ég get ekki annað en opinberað undrun mína á því hvernig í ósköpunum ég fór að því að týna jakkanum mínum... heima hjá mér... og íbúðin ekki stór... Hugmyndir vel þegnar...

Pakka

2004-10-10T03:18:00.000+02:00

Ég sem ætlaði að skrifa eitthvað sniðugt um Noregs/Danmerkur flakk síðustu viku, en það verður að bíða, þarf að pakka, aftur... Datt inn sjóferð á morgun...
Held í vonina að þessi túr verði styttri en sá síðasti hjá þeim... 10 dagar...

Djammæli

2004-09-24T01:00:00.000+02:00

Úff púff, sæmilegt hlé þetta... Og ekki mikið um tjáningu þetta skiptið, annað en að minna á djamm í Hlíðarhjallanum á laugardaginn ;)
Góð bollu-uppskrift vel þegin...

Gras á baðið

2004-08-29T18:36:00.000+02:00

Ég vissi að enginn myndi trúa mér þegar ég segði söguna af gaurnum sem þökulagði baðherbergið sitt... svo ég ákvað að taka myndir...

Það er alltaf einhver sem er til í að ganga skrefinu lengra með steiktar hugmyndir sem flestum nægir að fíflast með. Snilldarhúmor...

Að gefnu tilefni

2004-08-27T02:39:00.001+02:00

Mér var bent á það að Blogger vilji að menn loggi sig inn til að pósta commenti, virðast eitthvað hafa verið að breyta hjá sér. En það er semsagt hægt að commenta 'anonymously' m.þ.a. smella á smáa letrið...
Go nuts... ;)

NMEA

2004-08-25T01:24:00.000+02:00

Í dag víraði ég og lóðaði tengi, skreið svo lengst inn í púlt í brú á skipi, og umkringdur köplum, vírum og tækjum sem blikkuðu og píptu, þá tengdi ég kapal við tengi og tengi við kapal og kapal við tæki... og fékk á svartan tölvuskjáinn hvern hvítan textann á fætur öðrum... Án efa fallegasta sjón dagsins...
Spara smáatriðin, læt duga að segja að eitthvað sem hefur ekki virkað, er nú farið að svínvirka...

Mynd dagsins

2004-08-24T01:31:00.000+02:00

Earth by night (hi-res), í boði Astronomy Picture of the Day.

Klósetthurð og útilega

2004-08-17T01:57:00.000+02:00

Stíf helgi sú síðasta. Með þeim öflugri í langan tíma. Hófst á föstudagskvöldi hjá Hilmari, í fögnuði tileinkuðum nýuppsettri klósetthurð og stóð það djamm vel til morguns. Ekki var laugardagurinn rólegri, fór með Gunna í útilegu og gleði með VSÓ á Eldborg. Vorum reyndar seinir á svæðið, lengi að koma okkur af stað, en náðum þó að koma tjaldi upp og taka einn krokket-leik fyrir mat. Heilmikið fjör þarna og vel útilátið af mat og drykk. Reyndar mikið af fjölskyldufólki í hópnum þ.a. það týndist úr þegar fór að líða á, en við Gunni stóðum okkar pligt. Ekki einu sinni bændurnir á svæðinu sem voru að fagna 10 ára búfræðiútskrift, höfðu roð við okkur. Um fimm-leytið hresstum við okkur nokkur við með sundspretti og við tveir enduðum svo gleðina í vöfflum hjá kokknum á hótelinu þarna á staðnum um morguninn (mikill öðlingur sá maður).
Reyndar mátti berlega sjá daginn eftir hverjir voru síðastir í háttinn, síðastir á fætur og síðastir heim, eins og myndin til hliðar sýnir glöggt ;)

Croquet, the Lord of Lawn Sport

2004-08-12T20:22:00.000+02:00

Við Gunni fengum nóg af því í vinnunni í dag að sitja inni og horfa út um gluggann á góða veðrið. Ákváðum að gera eitthvað í málinu. Brunuðum í Leikbæ, versluðum krokket-sett og lögðum braut á túninu við Höfða (beint fyrir framan vinnuna). Lokuðum svo búllunni í nokkra stund meðar leikar stóðu. Mæli eindregið með þessu, snilldar leikur fyrir alla þá sem skortir afsökun til að komast út í góða veðrið.

Met

2004-08-11T01:04:00.000+02:00

Dagurinn í dag sló met. Hiti og blíða. Í tilefni af því þá gat ég ekki gert það sem ég undir venjulegum kringumstæðum hefði gert eftir vinnu... Farið heim, kveikt á tölvunni og dregið fyrir (til að sjá á skjáinn ;) Fannst slíkt vera full dapurt fyrir svona fínan dag, þ.a. ég ákvað að kíkja í Heiðmörk og rölta upp Gunnhildi (gun-hill) við Vífilsstaði. Eðal veður og eðal útsýni... og flugur...

Það jafnast ekkert á við það...

2004-08-02T07:32:00.000+02:00

... að klára að þrífa íbúðina...
og
...að koma heim eftir fínt djamm og grilla burger í góða veðrinu...

(sunnudagur í hnotskurn)

Mjúkvara

2004-07-30T01:12:00.000+02:00

Alltaf gott að vita að maður getur treyst heimabankanum og tilheyrandi ASP kóða og SQL fyrirspurnum fyrir peningunum sínum. Heimabankinn hjá KB tók svona á móti mér í dag þegar ég ætlaði að millifæra nokkra tíuþúsundkalla. Ekki það að ég hafi heimild til að kvarta mikið, lengi vel átti ég eitthvað af kóða þarna inni og auk þess hef ég nú oftar en einu sinni eftir mína tíð þarna gerst sekur um að hafa látið frá mér hálfkláraðan kóða.
Reyndar þykir mér heimabankinn hjá BI og nú hjá KB hafa staðið sig merkilega vel í gegnum tíðina, þó mér þyki nýja layoutið gera full miklar kröfur til upplausnar. En engu að síður fannst mér, og finnst enn, ótrúlegt hvað tekst að halda þessu keyrandi.
Mínir menn hjá BI/KB fá líka hrós fyrir að sjá til þess að ég virðist óhikað getað notað Firefox (sem fæst einfaldlega með því að fylgja stöðlum í staðinn fyrir að eltast við Microsoft viðbætur). Eitthvað sem menn voru ekki alltaf tilbúnir til að eyða miklum tíma í, enda Internet Explorer verið nánast einráður, með 95% markaðshlutdeild undanfarin ár.
Ég mæli btw. eindregið með Firefox í stað Internet Explorer, bæði öruggari (ekki innlimaður í stýrikerfið eins og IE) og með haug af nýjum fítusum og open source viðbætum (setti t.a.m. upp hjá mér Mouse Gestures, RSS reader og Adblock).

Viðbót:
Get ekki annað en hneykslast smá á Microsoft fyrir að hunsa það að Firefox eigi að vera minn default browser og skella upp IE þegar ég smelli á inboxið í MSN... Skamm...
Soldið magnað að MS skuli þrjóskast við og bjóða ekki upp á stýrikerfi sem er ekkert nema það, stýrikerfi. Án allra forrita fyrir net, texta, mynd, hljóð (o.s.frv.) sem gera samkeppnisstöðu þeirra sem útbúa svipuð tól erfiða. Hringir Netscape einhverjum bjöllum? Spurning hvort reikningur Evrópusambandsins upp á 46 milljarða ISK fyrir að láta Media Playerinn fylgja með Windows komi til með að hafa nokkuð að segja... (Mæli btw með Winamp og VLC í staðinn.) IE var reyndar fínn á sínum tíma (þeas. frá og með v5) og ég notaði mikið... En nú, þegar mig langar til að skipta yfir í annan, þá finnst mér að það eigi ekki að vera vandamál...

Tunglið tunglið...

2004-07-23T01:11:00.000+02:00

Í dag eru 35 ár og 2 dagar síðan Armstrong og Aldrin fóru í göngutúr á tunglinu (eða hvað? ;)
Í tilefni af því hefur NASA birt myndir sem ekki hafa áður sést (ásamt gömlum góðum), í þrælfínni upplausn, sem virkilega gaman er að skoða...
Getið smellt á þessar tvær að ofan til að fá þær í hærri upplausn. Merkilegt að sjá hvað LM-inn lítur út eins og hann hangi saman á límbandi einu saman... úff...

Google og ég

2004-07-20T02:11:00.000+02:00

Ú einhver að fletta mér upp á Google... Hver skyldi það nú vera??
Referrers til ýmissa hluta gagnlegir ;)

Ekki var það ég þetta skiptið, þó ég hafi nú tékkað á þessu sjálfur áður. Forvitnilegt oft að sjá hvað Google veit um mann...

Nýtt símanúmer!

2004-07-20T01:36:00.000+02:00

Nýtt númer, enn og aftur (þó það síðasta hafi nú enst óvenju lengi):

664-9254

Forwarda símtölum í gamla númerið í það nýja (í einhvern tíma) en held reyndar að SMS skili sér ekki...

Að öðru leyti fátt í fréttum, sæmilegt föstudagsdjamm, grillaði með gaurum úr verkfræðinni og mætti í vín'smökkun' hjá Hilmari og Dísu. Bærinn tiltölulega daufur, hitti þó Björn Jörund, gaf honum tyggjó. ;)
Annars spurning um að fara að fá eitthvað fólk í heimsókn, jafnvel næstu helgi... Kominn tími á að hitta ýmsa, og mikið að gera næstu vikur og helgar, fleiri sjóferðir að detta inn... ví...

Fannst í tilefni dagsins tilvalið að rifja upp góðar stundir úr Trigger Happy TV og skella upp mynd af honum Dom Joly sem margir eflaust kannast við.

Sjóriða

2004-07-16T00:13:00.000+02:00

Rétt að sýna smá frá túrnum, kolmunninn lét ekki á sér standa, fín veiði og ekki nema fjórir svefnlausir dagar og nætur.

Annars var agaleg blíða, verst ég þurfti að húka niðri í vélarrúmi allan tímann...;)
Kom heim seint á laugardegi, og auðvitað var allur sjómannspakkinn tekinn og haldið beint á barinn... Mjög fínt, spes, kvöld...

Er svo loks farinn að líta í bók sem hefur staðið til að kíkja í lengi, orðinn vel þyrstur í eitthvað svona... Stefnir jafnvel í að ég taki kúrs líka í haust, svona til að halda cellunum gangandi...

Linkur dagsins er Crypto-gramið, fínasta fréttabréf um cryptun og örryggismál sem ég kíki af og til á... Fín grein núna um Coke og NSA (og hér líka). Tenging sem maður var ekki alveg að sjá... Coke er með leik í gangi þarna úti þar sem nokkrar kókdósir eru með innbyggðan síma og GPS tæki, og einhver grey hjá NSA eru í því núna að yfirfara allt kók sem kemur inn í bygginguna... Spurning hvort Þjóðaröryggisstofnun Bandaríkjanna ætti ekki að spara kraftana í eitthvað gáfulegra og versla bara Pepsi? Samt mjög flott hjá Coke, þú kveikir á GPS-inu í dósinni, og þeir mæta með vinninginn til þín... Annars bíð ég helst spenntur eftir því að fá GPS-inn í símann hjá mér, ýmislegt sem ég get gert mér til gamans þá... :)

Á sjó...

2004-07-06T01:25:00.001+02:00

Þá er komið að því (eftir eins dags seinkun). Í fyrramálið verður stefnan tekin austur að sækja eitthvað af kolmunna í þjóðarbúið... Sjáumst eftir viku ;)

Jamm jamm jamm

2004-07-04T19:19:00.000+02:00

Búið að opna Egilshöllina, þúsundir fyrir framan skv. mbl. Þetta verður eitthvað skrautlegt. Heljarinnar upphitun búin að vera í gangi hjá mér í dag, fyrir mig og nágrannana...

Búin að vera fín helgi annars, gríðargott djamm á föstudaginn. Pylsupartý hjá Kristni og Karólínu fyrir vinnuliðið og Hilmar mætti líka (enda frír bjór ;) Endaði á því að okkur var fleygt út af Ölstofunni snemma morguns, þurfti víst að loka... Ákvað síðan í kjölfar slaks laugardags að anda rólega um kvöldið, vera sprækur fyrir konsert í kvöld og væntanlega sjóferð eftir helgi. Var að panta miða austur seinni partinn á morgun og framundan er tæplega viku sjóferð með Jóni Kjartanssyni... ;)

Agalegt...

2004-06-22T22:55:00.000+02:00

Nú er það svart, ég er farinn að horfa á fótbolta!
Vil kenna Danmerkurferðinni um, var píndur inn á sportbar í Køben af Bjössa til að horfa á England valta yfir Ísland (skemmti mér annars vel þar yfir Íslendingum berjandi í borð og bölvandi sem andsetnir væru, eins og úrslitin kæmu á óvart).
Í kjölfarið horfði ég svo á tvo með Davíð, Frakka og Breta, og Dani og Ítali... Og hvað gerist, ég kem heim og horfi á heilan leik upp á mitt einsdæmi, ópíndur. Reyndar Danmörk-Svíþjóð...
Spurning hvort höfuðhöggið á laugardagsæfingunni eigi einhvern hlut að máli... Annars hlýtur mér að batna af þessu, hverfur eins og hver önnur sumarpest...

DK

2004-06-18T00:51:00.000+02:00

Mættur... og illa þreyttur... Kom frá Køben í fyrrinótt, mætti í vinnuna í gær og á djammið um kvöldið... Sake og sushi í boði Gunna.
En Køben já... Hver sem ástæðan er, þá líður mér alltaf ósköp vel þarna í Danaveldi. Góður andi og gott fólk... Var í 11 daga þetta skiptið, verulega fljótt samt hvað tíminn líður. Ég gisti á Kampsax hjá Bjössa en skipti honum síðan út fyrir Davíð eftir 6 daga, Bjössi fór heim og Davíð stoppaði í nokkra daga á leið til Benidorm. Ferðin fór að mestu í þvæling um bæinn, búðarráp og pubbaráp. Maður var nokkur tíður gestur á The Moose (þar sem callinn fæst á 15 DKK á tirsdögum, torssdögum og lørdögum) og Pub & Sport þar sem poolið var æft. Kíkti líka í afmæli til Gunna Þóris í Trørød, á Kampsax-festival þar sem ég hitti skrautlega nágranna Bjössa og í mat til Hannesar og Sigrúnar (skutluðu mér svo á Kastrup í kjölfarið, takk fyrir það ;)
Cardigans í Tívolí og A-Ha í Middelfart gerðu líka gríðarlega góða hluti... Læt e-ð af myndum fylgja með fyrir neðan...

4. jún. - Kef til Köb	5. jún. - Á röltinu til Trørød
6. jún. - Nyhavn	6. jún. - Keyrði þessa oft, Kagså-DTU
7. jún. - Hannes og Bjössi	7. jún. - Rådhuspladsen
11. jún. - Cardigans í Tívolí	11. jún. - Tívolí
12. jún. - Middelfart here we come	12. jún. - Rock under broen
12. jún. - Morten mættur (en lille pose?)	12. jún. - Fínt veður
12. jún. - Tim Christensen, mjög flott	12. jún. - Fínt lag

Læt þetta duga, of þreyttur fyrir ítarlegri skrif... ;)

Vika

2004-06-10T13:23:00.000+02:00

Heil vika liðin í Koeben, en enginn tími fyrir blogg enn... Kem væntanlega með ferðasöguna fljótlega eftir að ég kem heim. Allt í góðu héðan annars, bjór, djamm og pool, ský og rigning (sól núna reyndar). Slappt úrval í búðunum og lítið verslað hingað til, en það hjálpar eflaust að fá fagmanninn til að aðstoða, Davíð á leiðinni út í þessum skrifuðu orðum og Bjössi á leiðinni heim... Spáð rigningu á laugardaginn undir brúnni...

Upphitun

2004-06-03T00:51:00.000+02:00

Búinn að vera að hita upp fyrir Köben, spila Saybia, Tim Christensen og Carpark North.
Tim Christensen er kannski helst þekktur fyrir Right Next To The Right One úr Nikolaj og Julie, og Carpark North áttu nokkur lög úr Midsommer sem ég tjáði mig um um daginn. Þar á meðal Transparent & Glasslike sem var spilað að ég held fjórum sinnum í myndinni... Enda ágætis lag...
Saybia og Carpark North verða víst ásamt fleirum Silkeborg akkúrat þegar við Davíð verðum undir brúnni að hlusta á Tim Christensen og A-Ha 12. júní...

Fínt plan var síðan að detta inn fyrir föstudaginn 11. júní, komst að því að Nina og félagar í The Cardigans verða um kvöldið í Tivoli í Køben. Og ætli það borgi sig ekki að reyna að vera meira tímanlega en þegar ég ætlaði að sjá Sting í Tívólíinu, lærði þá að í stórum borgum geta myndast ansi stórar biðraðir...

Rapport

2004-06-01T01:54:00.000+02:00

Enn ein helgin liðin og ný vinnuvika framundan. Óvenju stutt þó í þetta skiptið, byrjar á þriðjudegi og svo flýg ég út á föstudaginn.
En örstutt yfirlit um atburði helgarinnar... Föstudagskvöldið fór ég með Hilmari og Dísu á Café Árnes í útgáfuteiti fyrir blað, sem ég hreinlega man ekki hvað heitir. Frír bjór og fín músík, gaur á gítar, sem ég man heldur ekki hvað heitir (upphafsstafirnir K.G.B.) og Tenderfoot. Mjög flott... og mjög skemmtilegt fyrir það að Café Árnes er bátur sem liggur við Reykjavíkurhöfn... Rólegur laugardagur, æfing og DVD um kvöldið. Sunnudagskvöldið var Ýr hans Davíðs svo með afmælis-/innflutningspartý. Mikil gleði, og slúttað í morgunsárið á Devito's eins og svo oft áður.

Mynd dagsins er annars í boði Cassini, sem á nú ekki nema sléttan mánuð eftir af 7 ára ferðalagi sínu til Satúrnus...

Kvikmyndahornið

2004-05-28T01:46:00.000+02:00

Var að koma úr bíó, Hilmar boðsmiðasníkir var með tvo á The Butterfly Effect. Þrælfín mynd og Kutcher fínn, þó ekki sé annað hægt en að sjá Kelso bregða fyrir af og til... Mæli óhikað með henni, fín saga og fínn endir. Labbaði meira en sáttur út úr bíóinu sem hefur ekki gerst lengi...

Annars horfði ég í gær á Midsommer, frekar dapur tilraun frænda okkar í Danaveldi til að fylgja táninga-horror-formúlunni, og svo Svíi sem stal senunni í þokkabót... En dönsk mynd engu að síður, það eitt skorar prik ;)

Helgi(n)

2004-05-25T22:39:00.000+02:00

Prýðileg helgi sú síðasta, rólegt föstudagskvöld enda stutt liðið frá miðviku-djammi. Í staðinn gat ég líka staðið í þrifum og mætt á fína (þó fámenna) laugardagsæfingu. Laugardagskvöldið aftur á móti var öllu fjörugra. Mér var boðið í mat til Davíðs og Ýrar í nýju (virkilega) fínu íbúðinni og Ölstofan tók svo ansi vel við í kjölfarið. Ekki seinna vænna að fara þá að horfa til næstu helgar, stefnir í fína hluti þá... Enda síðasta helgin fyrir Køben-Middelfart(-Hamburg?)-leiðangurinn mikla.

Þrátt fyrir ~~margar~~ (tvær) áskoranir um endurvakningu '98 lúkksins, þá fór ég í dag í klippingu... Ekki í frásögur færandi nema fyrir það að í ljós kom að gaurinn sem klippti þekkti mig, og ég þekkti hann... nema ég áttaði mig á því eftir korters-samtal að þetta var annar en ég hélt. Reyndar ekki séð hann í yfir áratug þ.a. þetta er vel neðarlega á listanum hjá mér yfir feila af þessu tagi, sem lengist sífellt.

Tala við persónu sem ég tel mig þekkja, en þekki ekki. Tala við persónu sem ég tel mig ekki þekkja, en þekki. Tala við persónu sem ég þekki, en held að sé önnur, man ekki nafnið, eða veit ekkert hvaðan ég þekki... Ef það er hægt, þá hef ég prófað það... oftar en ekki um helgar (tilviljun?)...

Þ.a. Helgi, ef þú rekst á þetta einhverntíman, þá sorry, smá glitch, en ég kveikti um síðir. Held ég... ;)

En øl, tak

2004-05-22T02:50:00.000+02:00

Þá er loks búið að versla flugmiðana til Køben, ætlaði að vera löngu búinn að þessu enda bara tvær vikur í flug... En ágætt að ég beið, prísinn hjá báðum aðilum hefur verið um eða yfir 27 þús. síðustu daga og vikur, en í dag birtust skyndilega hjá Icelandair miðar á 17 þús. Væri nú gaman að komast yfir þær reglur sem ákvarða verðin á þessu flugum, ætti ekki að vera spurning um heppni að fá miða á skikkanlegum prís.
En ég lendi semsagt föstudagskvöldið 4. júní (til baka 15.) og verður stefnan tekin beint á Kampsax við DTU þar sem Bjössi og Calli bíða... Þá er bara að virkja Davíð í sínum flugmiðapælingum og tékka á brúar-rokkinu...

Í öðrum fréttum, prýðilegt miðvikudags-djamm með Hilmari, þrælöflugt skvass með Gísla í dag (ekki nema 6-3 tap ;) og vel heppnuð tilraunastarfsemi í kvöld með nýju græjunni...

Flashback

2004-05-19T00:36:00.000+02:00

Fyrst ég er nú aftur búinn að koma mér fyrir á netinu datt mér í hug að kanna hvort ég gæti ekki grafið upp eitthvað af gömlu síðunum mínum sem ég hef verið með í gegnum tíðina...
Og jújú, á gömlum diskum, brenndum fyrir lifandi löngu var eitthvað að finna. Ákvað að rifja upp fyrstu þrjú árin mín á netinu og henda síðunum upp á ný... Fyrsta síðan frá '96 er sérstaklega skemmtileg, ekki alveg í takt við strauma og stefnur dagsins í dag... :) Svo er líka alltaf gaman að rifja upp hárgreiðsluna frá '98 ;)

1996

1997

1998

Aikido

2004-05-18T00:34:00.000+02:00

Rétt að láta vita, eða minna á, að ný námskeið í Aikido hefjast í vikunni, fyrsti kynningartíminn var í kvöld og annar á miðvikudag. Byrjendanámskeiðin hefjast síðan af fullum krafti á mánudaginn. Hilmar mætti (loks ;) í kvöld og sýndi að hann hefur engu gleymt...

Um að gera að kíkja á www.aikido.is, getið líka smellt á myndina af Pálma og Bigga hér að ofan til að sjá video af þeim í action... Mæli hiklaust með þessu fyrir alla, fín hreyfing og gríðargaman...

Kvöld hinna löngu biðraða

2004-05-16T23:04:00.000+02:00

Hið fínasta djamm í gær, vel óhefðbundið en þó með hóflegum skammti af skandölum...

Festin hófst hjá Sigrúnu systur þar sem kjöt var grillað, rauðvín drukkið og Eurovision-tónlistar notið... Gunnar frændi sýndi jafnframt hversu efnilegur hann er þegar hann mætti í sitt fyrsta djamm og tók virkan þátt í allri gleðinni.

Á Nasa var síðan haldið þar sem mætti mér þessi líka gríðarlega biðröð, en Davíð sýndi snilldar (leik)takta og kom mér inn í skyndi. Þar inni blasti við Eurovision-gleði eins og hún gerist best og mættu á sviðið Stebbi og Eyvi, Sigga og Grétar, Selma, Birgitta og auðvitað Páll Óskar (og honum til aðstoðar enginn annar en Davíð Olgeirs sem sýndi öflugan dans við góðar undirtektir ;) Djamminu lauk síðan með langri langri vist í langri langri leigubílabiðröð...

Verst hvað gríðarleg gleði gærdagsins var borguð dýru verði í dag. En ég vil meina að skortur á Borgargrills-burger á heimleiðinni sé að lang-mestu leyti um að kenna...

Feitt rokk

2004-05-15T01:42:00.000+02:00

Þrír Metallica miðar komnir í mína vörslu, Jói bróðir að standa sig... Skildist á honum að fólk hefði strax verið mætt með tjöldin til að tryggja sér miða á morgun... Munur að þekkja fólk sem þekkir fólk ;)

Reyndir veltir maður því stundum fyrir sér hvort nokkuð gerist nokkurn tímann öðruvísi en gegnum 'klíkuskap'. Kevin Bacon teorían kemur upp í hugann (kannski betur þekkt sem six degrees of seperation), þ.e. sú hugmynd að hægt sé að tengja þig við hvaða manneskju sem er í heiminum gegnum mest 6 kunningja. Virðist líka gilda um heimasíður, héðan ættirðu að komast á hvaða síðu sem er á 19 músarklikkum...

Trivia dagsins, Lars Ulrich fæddist í Gentofte, þar bjó ég einu sinni, í (mjög) stuttan tíma...

Dauði yfir DivX!

2004-05-15T00:40:00.000+02:00

Var aðeins að grúska í gær og rakst á myndina hér til hliðar sem á tímabili var á heimasíðunni minni sem þá var.

Dauði yfir DivX var markmiðið, en það ber að athuga að DivX sem þá var, er annað en það ágæta DivX sem í dag er. Á þessum tíma fengu einhverjir snillingar þá hugmynd að spara fólki sem leigði mynd það vesen að þurfa að skila spólunni (disknum). Fyrirbærið var kallað Digital Video Express eða DivX, og þrátt fyrir nafnið, þá á þetta ekkert skylt við Mpeg-4 varíantinn DivX sem er mikið notaður til að kóða vídeó í dag.
Hugmyndin var að þú kaupir diskinn og færð að horfa að vild í tvo daga, en eftir það rukkarinn spilarinn þinn (tengdur við símann) þig um ~300 kall í hvert sinn. Fyrir ~2.000 kr. færðu reyndar að horfa ótakmarkað á myndina, en bara í þínum eigin spilara, þýðir lítið að lána diskinn. Til viðbótar voru spilararnir líka töluvert dýrari en DVD spilarar.
Þetta átti semsagt að vera nokkurs konar alternativ við DVD, og eins og gefur að skilja var þessu misvel tekið. Var óttast að annað VHS vs. Beta stríð væri í uppsiglingu sem myndi all-gríðarlega hægja á stökkinu yfir í digital video.

En í gær komst ég svo að því að ég og mínir bræður í herferðinni gegn Digital Video Express höfðum glæstan sigur fyrir heilum fimm árum og er DivX nú ei meir!
Verst að ég var alveg búinn að gleyma baráttunni...

Froskurinn fær þakkir fyrir hóstun á myndinni að ofan... Yahoo var ekki að standa sig...

Pláss

2004-05-13T23:09:00.000+02:00

Lýsi hérmeð eftir plássi, eða öðrum leiðum, til að geyma myndir og annað góðgæti sem mig myndi langa til að birta, fyrst Blogger (og þ.a.l. Google) vilja ekki geyma þetta fyrir mig. Annars spurning um að finna eitthvað online photoalbúm til að byrja með... Myndir auðvelda tjáningu ;)

Viðbót: Aðeins til að útskýra þessa tilvísun í Google hjá mér, að þá hafa þeir í huga að bjóða upp á fría E-mail þjónustu þar sem hver notandi hefur 1 GB til umráða... Og þar sem Google er eigandi Blogger, þá fyndist mér nú í lagi ef ég fengi að geyma nokkrar myndir hjá þeim... En allt í góðu, mér sýnist vinir þeirra hjá Yahoo ætla að hjálpa mér í staðinn ;)

Halló heimur

2004-05-13T01:41:00.000+02:00

Og þá hefst tjáningin, þó ég geti með nokkurri vissu fullyrt að þær pælingar og opinberanir sem hér birtast verði af síðra og hóflegra tagi en hjá mörgum öðrum fyrirmyndar bloggurum (lesist: Kjánanum).

Pæling dagsins, að hluta inspíruð af stofnun þessa blogs og að hluta vegna kynna minna af hertum öryggisreglum í vinnunni í dag...
Hvað gerir maður þegar maður þarf að halda utan um 117 mismunandi notendanöfn, lykilorð og öryggiskóða? Tala nú ekki um þegar þarf að breyta þeim á x viku fresti þ.a. gamla góða lykilorðið sem hefur verið í notkun í 7 ár fær að falla í gleymsku (og þó, það kemur mér inn á bloggið, og giska nú... ;)). Fyrir mitt leyti, þá er ég að spá í að játa mig sigraðan, og fá mér USB lyklakippu og e-ð álíka og KeePass sem kryptar svona lagað fyrir mann (með AES eða Twofish, fyrir áhugasama ;))

Útlit næstu daga, flugmiðakaup til Køben ásamt tilsvarandi Rock-under-broen miðakaupum ef um semst, grill+djamm hjá SBS á lørdag... Galopið föstudagskvöld...